لاہور کے مختلف علاقوں میں گرج چمک کے ساتھ بارش

لاہور: صوبہ پنجاب کے دارالحکومت لاہور کے مختلف علاقوں میں گرج چمک کے ساتھ بارش ہوئی، ڈپٹی کمشنر لاہور نے شہر میں تمام متعلقہ محکموں کو الرٹ رہنے کی ہدایت جاری کی ہے۔

تفصیلات کے مطابق صوبہ پنجاب کے دارالحکومت لاہور کے مختلف علاقوں میں گرج چمک کے ساتھ بارش ہوئی جس کے بعد موسم خوشگوار ہوگیا، محکمہ موسمیات کا کہنا ہے کہ لاہور میں وقفے وقفے سے بارش کا سلسلہ آج جاری رہنے کا امکان ہے۔

ڈپٹی کمشنر لاہور عمر شیر چٹھہ نے شہر میں بارش کے پیش نظر تمام متعلقہ محکموں کو الرٹ رہنے کی ہدایت جاری کی ہے۔

ڈپٹی کمشنر کا کہنا ہے کہ واسا، ایل ڈبلیو ایم سی اور دیگر ادارے متحرک رہیں، نشیبی علاقوں سے نکاسی آب یقینی بنائی جائے۔

دوسری جانب وفاقی دارالحکومت اسلام آباد اور اور اس کے مضافاتی علاقوں میں بھی رات گئے تیز بارش ہوئی جس کے بعد موسم کی خنکی میں اضافہ ہوگیا۔

The post لاہور کے مختلف علاقوں میں گرج چمک کے ساتھ بارش appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/2Yn1qN8