پاکستان میں کورونا کیسز میں نمایاں کمی، گزشتہ 24 گھنٹے میں 8 اموات

اسلام آباد : پاکستان میں کورونا سے مزید 8 مریض جاں بحق ہوئے اور 554 کیسز سامنے آئے، جس کے بعد اموات کی تعداد 28 ہزار 566 ہوگئی۔

تفصیلات کے مطابق نیشنل کمانڈ اینڈ آپریشن سینٹر نے ملک میں کورونا وبا کی صورتحال کے تازہ اعدادو شمار جاری کردیئے گئے، جس میں بتایا گیا ہے کہ ملک میں 24 گھنٹے میں کورونا کے مزید 8 مریض انتقال کرگئے ، جس کے بعد کورونا وائرس سے مجموعی اموات کی تعداد 28ہزار 566 ہوگئیں۔

این سی اوسی کا کہنا تھا کہ ملک میں 24 گھنٹوں کے دوران 46 ہزار 128 کورونا ٹیسٹ کیے گئے، جس میں سے 554 افراد میں کورونا کی تصدیق ہوئی ، اس دوران کورونا ٹیسٹ مثبت نکلنے کی شرح 1.2 فیصد رہی۔

نیشنل کمانڈاینڈ آپریشن سینٹر نے بتایا کہ ملک بھر میں کورونا سے متاثرہ ایک ہزار 167 زیرعلاج مریضوں کی حالت تشویشناک ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 78 ہزار 114 تک پہنچ گئی ہے۔

اعدادو شمار کے مطابق سندھ میں کورونا کیسز کی تعداد چار لاکھ 72ہزار 519 ، پنجاب میں 4 لاکھ 41 ہزار378 ،خیبرپختونخوا میں ایک لاکھ 78 ہزار773 اور بلوچستان میں 33 ہزار 356 ہے جبکہ اسلام آباد میں ایک لاکھ 7 ہزار 151، گلگت بلتستان میں 10 ہزار 395 ، اور آزاد کشمیر میں 34 ہزار 495 کیسز سامنے آچکے ہیں۔

The post پاکستان میں کورونا کیسز میں نمایاں کمی، گزشتہ 24 گھنٹے میں 8 اموات appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/30bh1zV