پاکستان میں کورونا سے مزید 9 اموات اور 637 کیسز رپورٹ

اسلام آباد : پاکستان میں کورونا سے مزید 9 مریض جاں بحق ہوئے اور 637 کیسز رپورٹ ہوئے ، جس کے بعد اموات کی تعداد 28 ہزار 575 ہوگئی۔

تفصیلات کے مطابق نیشنل کمانڈ اینڈ آپریشن سینٹر نے ملک میں کورونا وبا کی صورتحال کے تازہ اعدادو شمار جاری کردیئے گئے، جس میں بتایا گیا ہے کہ ملک میں 24 گھنٹے میں کورونا کے مزید 9 مریض انتقال کرگئے ، جس کے بعد کورونا وائرس سے مجموعی اموات کی تعداد 28ہزار 575 ہوگئیں۔

این سی اوسی کا کہنا تھا کہ ملک میں 24 گھنٹوں کے دوران 48ہزار882 کورونا ٹیسٹ کیے گئے، جس میں سے 575 افراد میں کورونا کی تصدیق ہوئی ، اس دوران کورونا ٹیسٹ مثبت نکلنے کی شرح 1.3 فیصد رہی۔

نیشنل کمانڈاینڈ آپریشن سینٹر نے بتایا کہ ملک بھر میں کورونا سے متاثرہ ایک ہزار 156 زیرعلاج مریضوں کی حالت تشویشناک ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 78 ہزار 571 تک پہنچ گئی ہے۔

اعدادو شمار کے مطابق سندھ میں کورونا کیسز کی تعداد چار لاکھ 72ہزار 925 ، پنجاب میں 4 لاکھ 41 ہزار493 ،خیبرپختونخوا میں ایک لاکھ 78 ہزار846 اور بلوچستان میں 33 ہزار 356 ہے جبکہ اسلام آباد میں ایک لاکھ 7 ہزار 223، گلگت بلتستان میں 10 ہزار 398 ، اور آزاد کشمیر میں 34 ہزار 498 کیسز سامنے آچکے ہیں

The post پاکستان میں کورونا سے مزید 9 اموات اور 637 کیسز رپورٹ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/2YzgKX9