حکام نے سعودی آجروں کو خبردار کردیا

ریاض: سعودی عرب میں محکمہ پاسپورٹ نے خبردار کیا ہے کہ جو افراد اپنے ملازمین کو کسی دوسری جگہ ملازمت یا کاروبار کرنے کی اجازت دیں گے، ان پر بھاری جرمانہ عائد کیا جائے گا۔

سعودی ویب سائٹ کے مطابق سعودی محکمہ پاسپورٹ نے کہا ہے کہ اگر سعودی آجر اپنے اجیر کو کسی اور کے یہاں ملازمت کرنے یا کاروبار کرنے کا موقع فراہم کرے گا تو اس پر ایک لاکھ ریال جرمانہ ہوگا۔

محکمہ پاسپورٹ کی جانب سے کہا گیا ہے کہ اگر آجر غیر ملکی ہوگا تو ایسی صورت میں اسے مملکت سے بے دخل بھی کر دیا جائے گا۔

محکمہ پاسپورٹ کا کہنا تھا کہ آجر کو خلاف ورزی پر 6 ماہ قید کی سزا بھی دی جائے گی، علاوہ ازیں اسے آئندہ 5 برس تک افرادی قوت کی درآمد سے محروم کردیا جائے گا۔

محکمہ پاسپورٹ کا کہنا ہے کہ جتنے اجیروں کو دوسروں کے یہاں ملازمت یا اپنا کاروبار کرنے کی اجازت دے گا اسی تناسب سے جرمانے ہوں گے۔

محکمہ پاسپورٹ کی جانب سے مزید کہا گیا کہ اقامہ اور سرحدی امن قوانین کی خلاف ورزی کرنے والوں کی رپورٹ مکہ مکرمہ اور ریاض ریجن میں 911 اور مملکت کے دیگر تمام علاقوں میں 999 پر کی جائے۔

The post حکام نے سعودی آجروں کو خبردار کردیا appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3mDeZBm