پنجاب میں شدید دھند : موٹر ویز پولیس نے اہم بیان جاری کردیا

لاہور : صوبہ پنجاب کے بیشترعلاقے اِن دِنوں شدید دھند کی لپیٹ میں ہیں، دھند کے باعث موٹر وے بند ہیں جب کہ ریلوے اور فضائی آپریشن بھی متاثر ہو رہے ہیں۔

شدید دھند کے باعث شہریوں کو روز مرہ کے معمولات میں بھی دشواری کا سامنا ہے، حد نگاہ کم ہونے کی وجہ سے اور ڈرائیونگ کے دوران لوگوں کو دشواری کا سامنا کرنا پڑتا ہے۔

اس حوالے سے موٹر وے پولیس ترجمان کا کہنا ہے کہ دھند چھٹنے پر موٹر وے ایم 5کو جلال پور سے شیر شاہ تک کھول دیا گیا ہے جبکہ موٹروےایم 4شیر شاہ سے عبدالحکیم انٹرچینج تک کلیئرہے۔

ترجمان نے بتایا ہے کہ موٹر وےایم 2ٹھوکر نیاز بیگ سے ہرن مینار تک دھند کےباعث بند ہے، اس کے علاوہ موٹروے ایم 3فیض پور سے سمندری تک شدید دھندکے باعث ٹریفک کیلئے بند کردی گئی ہے۔

لاہور سمیت پنجاب کے مختلف علاقوں میں دھند سے کئی مقامات پر صبح کے وقت حد نگاہ صفر تک رہی، موٹروے پولیس نے شہریوں کو ہدایت کی ہے کہ وہ دھند میں غیر ضروری سفر سے گریز کریں اور دوران سفر گاڑیوں پر فوگ لائٹس کا استعمال یقینی بنائیں۔

The post پنجاب میں شدید دھند : موٹر ویز پولیس نے اہم بیان جاری کردیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3rldQkV