سعودی ولی عہد نے بڑا ارادہ ظاہر کردیا

ریاض: سعودی عرب کے نائب وزیراعظم اور وزیر دفاع شہزادہ محمد بن سلمان کا کہنا ہے کہ مملکت عالمی توانائی مارکیٹ کے استحکام کے لیے پرعزم ہے۔

ان خیالات کا اظہار سعودی ولی عہد نے برطانوی وزیراعظم بورس جانسن سے ٹیلی فونک گفتگو کے دوران کیا۔ برطانوی وزیراعظم نے اس بات پر خوشی کا اظہار کیا کہ سعودی عرب 2060 تک کاربن فری ہدف حاصل کرنے کے سلسلے میں پرعزم ہے اور اقدامات بھی اٹھار رہا ہے۔

بورس جانسن کا کہنا تھا کہ وہ اس حوالے سے مزید اعلانات سننے کے متمنی ہیں، شہزادہ محمد بن سلمان نے کہا کہ سعودی عرب میں کاربن کے اخراج میں کمی کو منظم کرنے والی محفوظ ٹیکنالوجی استعمال کی جارہی ہے۔

سعودی شہزادے نے اس سے قبل میتھن گیس سے متعلق عالمی معاہدے میں سعودی عرب کی شمولیت کا اعلان کیا تھا جس کے تحت دنیا بھر میں میتھن کا اخراج 30 فیصد تک کم کرنے کا عزم ظاہر کیا گیا ہے۔

ٹیلی فونک گفتگو کے دوران بورس جانسن نے بھی باہمی دلچسپی کے متعدد مسائل پر تبادلہ خیال کیا۔

The post سعودی ولی عہد نے بڑا ارادہ ظاہر کردیا appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3qsiU6z