گھر سے بیوٹی پارلر جانے والی تین لڑکیوں کا اغواء اور زیادتی

کراچی : عزیز آباد میں 3 لڑکیوں کے مبینہ اغواء اور زیادتی کے معاملہ میں اہم پیش رفت ہوئی ہے، انویسٹی گیشن پولیس نے لیڈی انسپکٹرکو تفتیشی افسر مقرر کردیا۔

اس حوالے پولیس نے دعویٰ کیا ہے کہ متاثرہ لڑکیوں کے اہل خانہ تفتیش میں تعاون نہیں کر رہے، مقدمہ درج ہونے کے باوجود اہل خانہ کا معاملہ ختم کرنے پر زور دے رہے ہیں۔

پولیس حکام کا کہنا ہے کہ رپورٹ آنے کے بعد مبینہ زیادتی کی تصدیق ہوسکے گی اور دیگر حقائق بھی سامنے آئیں گے۔

ابتدائی تفتیش میں معلوم ہوا ہے کہ تینوں لڑکیاں مہندی کا کام سیکھنے کا کہہ کر پارلر گئی تھیں، لڑکیوں کے کئی گھنٹے لاپتہ رہنے پر والدین نے مقدمہ درج کروایا۔

پولیس کے مطابق دوسگی بہنوں سمیت تینوں لڑکیاں اپنی مرضی سے گئی تھیں، بعد ازاں لڑکیوں کے ساتھ کیا معاملہ پیش آیا اس سلسلے میں تفتیش کی جارہی ہے،مذکورہ لڑکیوں کو نیم بےہوشی کی حالت میں جناح اسپتال لایا گیا تھا۔

The post گھر سے بیوٹی پارلر جانے والی تین لڑکیوں کا اغواء اور زیادتی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3CPFp8Y