پاکستان میں کورونا سے مزید 8 اموات ، 377 کیسز رپورٹ

اسلام آباد : پاکستان میں کورونا کیسز اور اموات میں کمی کا سلسلہ جاری ہے، ایک دن میں 8 اموات اور377 کیسز رپورٹ کئے گئے۔

تفصیلات کے مطابق نیشنل کمانڈ اینڈ آپریشن سینٹر نے ملک میں جاری کورونا وبا کی صورتحال کے تازہ اعدادو شمار جاری کردیئے ہیں ، جس میں بتایا گیا کہ ملک میں 24گھنٹےمیں کورونا سے مزید 8 افراد انتقال کرگئے ، جس کے بعد کورونا وائرس سے مجموعی اموات 28 ہزار 745 ہوگئیں۔

این سی اوسی کا کہنا تھا کہ 24 گھنٹے میں 44ہزار137 کورونا ٹیسٹ کئے گئے ، جس میں سے 377 افراد میں کورونا مثبت نکلا ، اس دوران کورونا کے ٹیسٹ مثبت آنے کی شرح 0.85 فیصد رہی۔

نیشنل کمانڈاینڈ آپریشن سینٹر نے بتایا کہ ملک بھر میں کورونا کے 904 زیرعلاج مریض انتہائی نگہداشت میں ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 85 ہزار 631 تک پہنچ گئی ہے۔

اعدادو شمار کے مطابق سندھ میں کورونا کیسز کی تعداد چار لاکھ 76 ہزار017، پنجاب میں 4 لاکھ 43 ہزار240، خیبرپختونخوا میں ایک لاکھ 80 ہزار146 اور بلوچستان میں 33 ہزار488 ہے جبکہ اسلام آباد میں ایک لاکھ 7 ہزار 765، گلگت بلتستان میں 10 ہزار412 اور آزاد کشمیر میں 34 ہزار563 کیسز سامنے آچکے ہیں۔

خیال رہے کورونا کی نئی قسم اومیکرون سے نمٹنے کیلئے حکومت پاکستان نے سے بوسٹر ڈوز آج سے لگانے کا فیصلہ کیا ہے ، بوسٹر ڈوز مرحلہ وار لگائی جائے گی، پہلے ہیلتھ کیئرورکرز اور 50سال سے زائد عمر والوں کو ڈوز لگائی جائے گی۔

The post پاکستان میں کورونا سے مزید 8 اموات ، 377 کیسز رپورٹ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3od0jd1