تیزاب گردی کا واقعہ، حملہ آور شادی شدہ خاتون سے دوسری شادی کا خواہشمند تھا

کراچی میں شادی شدہ خاتون سے دوسری شادی کرنے کے خواہش مند شخص نے خاتون پر تیزاب پھینک دیا۔

تفصیلات کے مطابق کراچی میں تیزاب گردی کا ایک اور واقعہ سامنے آگیا، محمود آباد میں حملہ آور نے شادی شدہ خاتون پر تیزاب پھینک دیا، متاثرہ خاتون کی شناخت تاحال نہیں ہوسکی۔

متاثرہ خاتون کے اہل خانہ کا کہنا ہے کہ تیزاب گردی کے واقعے یاسر نامی شخص ملوث نہیں کیوں کہ یاسر متاثرہ خاتون کا شوہر ہے جو اس وقت والدہ کے گھر پر ہے۔

والد نے اپنے بیان میں کہا کہ حملہ آور شہزاد نامی شخص ہے جو شادی شدہ خاتون سے دوسری شادی کرنے کا خواہشمند ہے۔

والد کا کہنا تھا کہ حملہ آور نے آج گھر کا دوازہ کھلا دیکھا تو گھر میں گھس کر خاتون پر تیزاب پھینک کر فرار ہوگیا۔

خیال رہے کہ کچھ ماہ قبل کورنگی چکرا گوٹھ میں شوہر نے بیوی پر تیزاب پھینک دیا تھا۔

یاد رہے کہ تیزاب گردی پر معروف فلمساز شرمین عبید چنائے نے ’سیونگ فیس‘ کے نام سے فلم بنائی تھی جس کو آسکر ایوارڈ دیا گیا تھا۔

The post تیزاب گردی کا واقعہ، حملہ آور شادی شدہ خاتون سے دوسری شادی کا خواہشمند تھا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3dgDeQG