پاکستان سے سعودی عرب جانے والی پرواز میں اچانک کیا ہوا؟

ملتان سے جدہ جانے والی قومی ایئرلائن(پی آئی اے) کی پرواز میں اچانک فنی خرابی رپورٹ ہوئی جس کے بعد طیارے کی مسقط میں ہنگامی لینڈنگ کرائی گئی۔

ذرایع کے مطابق طیارے میں اڑان بھرنے کے کچھ دیر بعد فنی خرابی ہوئی، بوئنگ777طیارے کے کارگوگیٹ کے وارننگ الارم بجنا شروع ہوگئے، کپتان نے فوراً مسقط ایئرپورٹ کے ایئر ٹریفک کنٹرولر سے رابطہ کیا اور ہنگامی لینڈنگ کی اجازت طلب کی، اجازت ملنے پر طیارے کو مسقط ایئرپورٹ پر اتار لیا گیا۔

ذرایع نے بتایا کہ مسقط ایئرپورٹ پر کارگو گیٹ پر ایرر آنے سے الارم بجنا شروع ہوئے تھے۔

قومی ایئرلائن کے ترجمان کا کہنا ہے کہ 7ٹن کے قریب کارگو اور مسافروں کا سامان آف لوڈ کردیا گیا۔ پائلٹ نے طیارے کو حفاظتی اقدامات کے تحت مسقط ایئرپورٹ اتارا۔

ترجمان نے مزید کہا کہ جانچ اور کلیئرنس کے بعد پرواز کو جدہ روانہ کردیا گیا ہے۔

The post پاکستان سے سعودی عرب جانے والی پرواز میں اچانک کیا ہوا؟ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3qmUj1g