‘پنجاب میں بلدیاتی انتخابات میں پی ٹی آئی کامیاب ہوگی’

لاہور : وزیراعلیٰ عثمان بزدار نے پنجاب میں بلدیاتی انتخابات میں پاکستان تحریک انصاف کی کامیابی کی نوید سنا دی۔

ان خیالات کا اظہار وزیراعلیٰ پنجاب سردار عثمان بزدار اے آر وائی نیوز کے پروگرام دی رپورٹرز میں گفتگو کرتے ہوئے کیا، انہوں نے کہا کہ یہ تاثر غلط دیا جاتا ہے کہ جہاں پی ٹی آئی کامیاب نہیں ہوئی وہاں کام نہیں ہورہا۔

ہماری توجہ کام پر ہے اشتہارات اور شوبازی پر زیادہ توجہ نہیں ہے، ہماری حکومت کا ترقیات بجٹ 645 ارب روپے کا ہے جب کہ ن لیگ کے دور میں ترقیاتی بجٹ 560 ارب روپے کا تھا۔

انہوں نے پروگرام کے دوران آگاہ کیا کہ پورے پنجاب میں یکساں طور پر ترقیاتی منصوبے جاری ہیں، لاہور میں ایک ہزار بستر پر مشتمل اسپتال اور تین ایمرجنسی سینٹرز بنارہے ہیں جب کہ ڈی جی خان اور دیگر علاقوں میں بھی اسپتال بنارہے ہیں۔

عثمان بزدار نے بتایا کہ ڈی جی خان میں اسٹیٹ آف دی آرٹ کارڈیالوجی سینٹر بنارہے ہیں۔

وزیراعلیٰ پنجاب کا کہنا تھا کہ ماضی میں ڈی جی خان اور میانوالی میں ترقیاتی کام نہیں ہوئے جس کے باعث عوام محرومی کا شکار تھے لیکن ہمیں ڈی جی خان جتنا عزیز ہے اتنا ہی بہاولنگر بھی عزیز ہے۔

The post ‘پنجاب میں بلدیاتی انتخابات میں پی ٹی آئی کامیاب ہوگی’ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/32kBDai