کراچی : جعلی پولیس مقابلے میں نوجوان کی ہلاکت کا مقدمہ درج

کراچی میں سیکیورٹی گارڈ اور ڈاکوؤں کے درمیان مبینہ مقابلہ کمسن بچی کی جان لے گیا۔

اے آر وائی نیوز کے مطابق کراچی کے علاقے شاہ لطیف ٹاؤن منزل پمپ کے قریب سیکیورٹی گارڈ اور ملزمان میں فائرنگ کا تبادلہ ہوا جس کے نتیجے میں تین سالہ بچی جاں بحق ہوگئی۔

بچی کی شناخت حرمین دختر ممتاز کے نام سے ہوئی، پولیس نے واقعے کی تحقیقات شروع کردیں۔

پولیس حکام کے مطابق منزل پمپ کے قریب تین ملزمان لوٹ مار کررہے تھے، سیکیورٹی گارڈ نے فرار ملزمان پر فائرنگ کی، ملزمان نے بھی جوابی فائرنگ کی جس کی زد میں آکر بچی شدید زخمی ہوئی تھی۔

کراچی : جعلی پولیس مقابلے میں نوجوان کی ہلاکت کا مقدمہ درج

پولیس کا کہنا ہے کہ بچی والدین کے ہمراہ تھی، حرمین کے سر میں گولی لگی تھی اور بچی کو تشویش ناک حالت میں اسپتال منتقل کیا گیا تھا۔

پولیس حکام کے مطابق گارڈ کی فائرنگ سے زخمی ہونے والے ایک ملزم کو گرفتار کرکے اسلحہ برآمد کرلیا گیا ہے جبکہ زخمی ملزم کے دو ساتھی فرار ہوگئے۔

شاہ لطیف ٹاؤن پولیس کا کہنا ہے کہ واقعے کی مزید تحقیقات جاری ہیں۔

The post سیکیورٹی گارڈ اور ڈاکوؤں میں مبینہ مقابلہ کمسن بچی کی جان لے گیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3EnaSiK