کراچی میں موسم سرما کی پہلی بارش، سردی میں اضافہ

کراچی : آج شہر قائد میں بادل خوب برسے صبح سویرے ہونے والی بارش نے شہریوں کو موڈ کو خوشگوارکردیا، موسم کی پہلی بارش سے سرد موسم میں مزید شدت آگئی۔

کراچی کے مختلف علاقوں گلستان جوہر،گلشن اقبال، شارع فیصل، کورنگی، ملیر،ماڈل کالونی، کھارادر، گارڈن، قیوم آباد سمیت مختلف علاقوں میں کہیں تیز اورکہیں ہلکی بارش ہوئی بارش سے سڑکوں پرپھسلن اورپانی جمع ہونے سے دفاتر جانے والوں کو مشکلات کا سامنا کرنا پڑا۔

صبح سویرے ہونے والی موسم سرما کی پہلی بارش سے سردی کی شدت میں اضافہ ہوگیا۔ یاد رہے کہ محکمہ موسمیات نے کراچی میں منگل تک بارش کی پیشگوئی کر رکھی ہے جبکہ 28 دسمبر سے شہر میں سردی کی شدت میں مزید اضافے کا بھی امکان ظاہر کیا گیا ہے۔

محکمہ موسمیات کے مطابق کراچی میں سب سے زیادہ بارش قائد آباد میں 5 ملی میٹریکارڈ کی گئی۔ائیرپورٹ پر4 اورگلستان جوہر میں 3 ملی میٹربارش ریکارڈ کی گئی۔

محکمہ موسمیات کے مطابق آج دن بھرموسم ابرآلود رہنے کا امکان ہے۔ ہلکی بارش کا سلسلہ کل صبح تک وقفے وقفے سے جاری رہنے کا امکان ہے۔

محکمہ موسمیات کا کہنا ہے کہ 28 دسمبرسے سردی کی لہرآنے کی توقع ہے جو5 جنوری تک برقرار رہ سکتی ہے۔

محکمہ موسمیات کے مطابق آج دادو، ٹھٹہ، بدین میں بھی تیزہواؤں کے ساتھ بارش کی پیش گوئی ہے، جامشورو، حیدرآباد اور میرپورخاص میں بھی بارش کا امکان ہے۔

سندھ کے دیگراضلاع میں موسم سرد اور خشک رہے گا، سکھر، لاڑکانہ، شہید بینظیرآباد میں رات، صبح کے اوقات میں دھند چھائی رہے گی۔

اس کے علاوہ جڑواں شہروں اسلام آباد راولپنڈی میں بارش کا سلسلہ وقفے وقفے سے جاری ہے۔ ایبٹ آباد شہر اور اس کے گردونواح میں وقفے وقفے سے بارش اور گلیات، نتھیاگلی، ایوبیہ اور ٹھنڈیانی کے پہاڑوں پر بھی برفباری کا سلسلہ جاری ہے، برفباری کے باعث ایبٹ آباد سے مری اور ٹھنڈیانی روڈ بند کردیئے گئے ۔

The post کراچی میں موسم سرما کی پہلی بارش، سردی میں اضافہ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3EvSi7Z