اومیکرون وائرس: امریکی صدر کا بڑا اعلان

واشنگٹن: امریکا میں متغیر کرونا وائرس کے متعدد کیسز سامنے آنے پر امریکی صدر نے اہم ترین اعلان کردیا ہے۔

تفصیلات کے مطابق امریکا میں اومیکرون وائرس کے مزید کیسز سامنے آگئے ہیں، صرف نیویارک میں ہی 5 کیسز رپورٹ ہوئے، گورنر نے کیسز کی تصدیق کردی ہے، اس کے علاوہ کیلی فورنیا، کولاراڈو ، ہوائی اور منی سوٹا میں 4 کیسز رپورٹ ہوئے۔

کووڈ انیس کے نئے اور زیادہ تیزی سے پھیلنے والے ویرینٹ اومیکرون اور موسم سرما کی شدت کے پیش نظر امریکا نے فضائی سفر سے متعلق قوانین کو مزید سخت کرنے کا فیصلہ کیا ہے۔

وائٹ ہاؤس سے جاری ایک بیان میں کہا گیا ہے کہ آئندہ ہفتے کے آغاز سے ہر مسافر کو روانگی سے 24 گھنٹے پہلے کرونا ٹیسٹ کرانا ہوگا اور اس کی منفی رپورٹ دکھانے پر ہی اُسے امریکا سفر کرنے کی اجازت دی جائے گی۔

دوسری جانب صدر جو بائیڈن نے 100 ملین امریکی شہریوں کو بوسٹر شاٹس لگانےکا فیصلہ کیا ہے۔

واضح رہے کہ گذشتہ روز جنوبی افریقا سے لاس اینجلس کا سفر کرنے والے شخص میں اومیکرون وائرس کی تشخیص ہوئی تھی۔

The post اومیکرون وائرس: امریکی صدر کا بڑا اعلان appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3xOjDk4