لاہور میں مکان کی چھت گرنے سے 4 افراد جاں بحق

لاہور کے علاقے مومن پورہ میں مکان کی چھت گرنے 4 افراد جاں بحق ہوگئے۔

اے آر وائی نیوز کے مطابق لاہور کے علاقے مصطفیٰ ٹاؤن کے قریب مومن پورہ میں ٹی آر سے بنی چھت گر گئی جس کے نتیجے میں 4 افراد جاں بحق ہوگئے۔

ذرائع کا کہنا ہے کہ ملبے تلے دبے مزید افراد کو نکالنے کے لیے ریسکیو آپریشن جاری ہے جبکہ ملبے سے ایک سال کے بچے کو زخمی حالت میں نکال لیا گیا ہے۔

ریسکیو ذرائع کا کہنا ہے کہ حادثے میں جاں بحق ہونے والے افراد کی لاشوں کو ضابطے کی کارروائی کے لیے اسپتال منتقل کردیا گیا ہے۔

وزیراعلیٰ پنجاب عثمان بزدار نے چھت گرنے سے قیمتی جانوں کے ضیاع پر افسوس کا اظہار کیا ہے۔

عثمان بزدار نے جاں بحق افراد کے لواحقین سے دلی ہمدردی کا اظہار کیا اور کمشنر لاہور ڈویژن سے واقعے کی رپورٹ طلب کرلی۔

from پاکستان – ARYNews.tv | Urdu – Har Lamha Bakhabar https://ift.tt/3GfsXQt