گودام میں اسلحہ 5 فٹ گہرائی میں مدفون تھا، پولیس کا مؤقف

کراچی پولیس نے لی مارکیٹ میں رہائشی عمارت کے بیسمنٹ میں واقع گودام سے مدفون جنگی ہتھیار برآمد کرنے کے بعد گودام سیل کردیا۔

اے آر وائی نیوز کے مطابق ڈسٹرکٹ سینٹرل پولیس نے خفیہ اطلاع پر ایس ایس پی سینٹرل ملک مرتضیٰ کے ہمراہ آپریشن کیا اور اولڈ سٹی ایریا لی مارکیٹ کے قریب رہائشی عمارت کے گودام میں 9 گھنٹے کھدائی کے بعد کئی سالوں پُرانے زنگ لگے ہتھیار برآمد کرلیے۔

پولیس نے بیمسمنٹ میں واقع گودام سیل کردیا جب کہ گودام کے داخلی راستے پر پولیس اہلکار تعینات کردئیے گئے ہیں۔

پولیس کا کہنا ہے کہ گودام کی پانچ فٹ تک کھدائی کی گئی، جس کے بعد اینٹی ائیر کرافٹ گن، ایل ایم جی، رائفلز اور دیگر اسلحہ برآمد ہوئیں، یہ اسلحہ جنگوں میں استعمال ہتھیاروں کی نوعیت کا ہے، ان ہتھیاروں سے جہاز ہیلی کاپٹر ٹینک یا عمارتوں کو اڑایا جاسکتا تھا۔

ایس ایس پی سینٹرل کا کہنا ہے کہ برآمد ہونے والے جنگی ہتھیار زنگ آلود ہیں، اسلحے کی فرانزک کرائی جائے گی۔

پولیس حکام کا کہنا ہے کہ اسلحہ کہاں سے لایا گیا اور کب یہاں رکھا گیا تعین ہونا باقی ہے لیکن اس سے ملتا جلتا اسلحہ چند برس قبل عزیز آباد سے بھی برآمد ہوا تھا۔

پولیس کا کہنا ہے کہ جس جگہ سے اسلحہ ملا اس علاقے میں گینگ وار اور سیاسی جماعتوں کے عسکری ونگز سرگرم تھے، ممکنہ طور پر 2013 کے بعد کراچی میں جاری آپریشن کے دوران اسلحہ یہاں چھپایا گیا تھا۔

The post گودام میں اسلحہ 5 فٹ گہرائی میں مدفون تھا، پولیس کا مؤقف appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3foVQir