کراچی پورٹ پر روس سے آنے والے جہاز میں آگ بھڑک اٹھی

کراچی پورٹ پر روس سے گندم لانے والے جہاز میں اچانک آگ بھڑک اٹھی۔

اے آر وائی نیوز کے مطابق کراچی پورٹ پر برتھ نمبر 16 میں روس سے گندم لانے والے  جہاز ایم وی رائل جیڈ میں آگ لگ گئی جس کے باعث کراچی پورٹ پر ایمرجنسی نافذ کردی گئی۔

ذرائع کا بتانا ہے کہ پورٹ پر ایمرجنسی عائد کرکے آگ بجھانے کا عمل شروع کردیا گیا ہے۔

کے پی ٹی اذرائع کے مطابق جہاز کے ڈیک پر کاربائٹ میں آگ لگی ہے جسے بجھانے کا عمل جاری ہے، آگ لگنے کی وجہ فوری طور پر معلوم نہیں ہوسکی۔

ذرائع کا بتانا ہے کہ جہاز کا ایجنٹ پی این ایس سی ہے، جہاز پر 57 ہزار 750 ٹن گندم لدی ہوئی ہے، ابتدائی اطلاعات کے مطابق جہاز کے اوپر کاربائٹ رکھا ہوا تھا جس کے اوپر پانی گرنے سے آگ بھڑک اٹھی۔

کے پی ٹی کے فائر فائٹرز کی جانب سے آگ پر قابو پانے کی کوششیں جاری ہیں، کے پی ٹی چیئرمین کی جانب سے مزید فائر بریگیڈ گاڑیوں کو اسٹینڈ بائی رکھا گیا ہے۔

 

The post کراچی پورٹ پر روس سے آنے والے جہاز میں آگ بھڑک اٹھی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3FKsEgi