افریقی ملکی میں فوج اقتدار پر قابض : صدر معزول

واگا دوگو : افریقی ملکی برکینا فاسو کے فوج نے ٹی وی پر براہ راست اعلان کیا ہے کہ حکومت کا تختہ الٹ کر ملک کا اقتدار سنبھال لیا ہے اور پارلیمان معطل کر دی ہے۔

پیر کو سرکاری ٹی وی پر فوج کی جانب سے براہ راست نشر ہونے والے اعلان میں کہا گیا ہے کہ ملک کی سرحدیں بند کردی گئی ہیں اور مناسب وقت پر "آئین کی بحالی” کا وعدہ کیا ہے۔

اس سے قبل امریکہ نے برکینا فاسو کے صدر روش مارک کرسچن کابور کی فوری رہائی کا مطالبہ کیا تھا اور کہا تھا کہ فوجی بغاوت کے بعد آئین کی پاسداری کی جائے۔

برکینا فاسو فوج کے سربراہ کا کہنا تھا کہ پارلیمنٹ کو تحلیل کرکے آئین معطل کردیا گیا ہے اور صدر روچ کابورے کو معزول کردیا گیا ہے۔

اعلان میں برکینا فاسو فوج نےمعزول صدر کو سیکیورٹی کی بگڑتی صورتحال کا ذمہ دار قرار دیتے ہوئے کہا کہ صدر کابورے قوم کو متحد رکھنے میں ناکام ثابت ہوئے، کابورے درپیش چیلنجز کا مؤثرجواب دینے میں نااہل نکلے۔

امریکی محکمہ خارجہ نے ایک عہدیدار نے نام ظاہر نہ کرتے ہوئے کہا تھا کہ ہم صدر کابور اور دیگر حکومتی عہدیداران کی فوری رہائی اور سکیورٹی فورسز سے برکینا فاسو کے آئین اور سول قیادت کی پاسداری کا مطالبہ کرتے ہیں۔

from عالمی خبریں – ARYNews.tv | Urdu – Har Lamha Bakhabar https://ift.tt/3KIyQta