ملک میں کرونا وائرس کے کیسز میں ڈرامائی کمی

اسلام آباد: ملک بھر میں کرونا وائرس کے کیسز میں ڈرامائی کمی دیکھی گئی، یومیہ کیسز کی تعداد 6 ہزار سے گر کے 3 ہزار پر پہنچ گئی، ویکسین کی ایک ڈوز لینے والے افراد کی تعداد بھی 11 کروڑ سے تجاوز کر گئی۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے باعث 24 افراد جاں بحق ہوئے جس کے بعد کرونا وائرس سے مجموعی اموات کی تعداد 29 ہزار 516 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 3 ہزار 338 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 14 لاکھ 63 ہزار 111 ہوگئی۔

ملک میں کرونا وائرس سے صحت یاب مریضوں کی مجموعی تعداد 13 لاکھ 44 ہزار 403 ہوچکی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے 44 ہزار 779 ٹیسٹ کیے گئے، اب تک ملک میں 2 کروڑ 54 لاکھ 22 ہزار 966 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 7.45 فیصد رہی، ملک بھر کے 631 اسپتالوں میں کرونا وائرس کے 16 سو 84 مریض تشویشناک حالت میں ہیں۔

ویکسی نیشن کی صورتحال

ملک میں اب تک 11 کروڑ 2 لاکھ 13 ہزار 721 افراد کو ویکسین کی ایک ڈوز جبکہ 8 کروڑ 62 لاکھ 581 افراد کو ویکسین کی دونوں ڈوزز لگائی جا چکی ہیں۔

from پاکستان – ARYNews.tv | Urdu – Har Lamha Bakhabar https://ift.tt/FUfZH8N