روس کس ملک پر قبضہ کرنا چاہتا ہے؟ یوکرینی صدر کا نیا انکشاف

کیف: یوکرین کے صدر ولودیمیر زیلنسکی کا نیا دعویٰ سامنے آیا ہے، جس میں انھوں نے کہا ہے کہ روس سویڈن پر قبضہ کرنا چاہتا ہے۔

تفصیلات کے مطابق یوکرینی صدر نے نیا دعویٰ کر دیا ہے کہ روس سویڈن پر قبضہ کرنا چاہتا ہے، صدر زیلنسکی نے کہا کہ روس کے ہمسایہ ممالک اب خطرے میں ہیں۔

انھوں نے سویڈن کی پارلیمنٹ سے ورچوئل خطاب میں کہا کہ روس، یورپ میں آزادی کو تباہ کر دے گا اور اب اپنے پڑوسیوں کا تعاقب کرے گا۔

یوکرین کے صدر نے اپنے خطاب میں سویڈن کے ارکان پارلیمنٹ کو متنبہ کرتے ہوئے کہا کہ اگر یوکرین اس حملے کے خلاف ٹک نہيں پاتا اور اپنی حفاظت نہیں کر پاتا، تو اس کا مطلب ہوگا کہ اب سبھی پڑوسی خطرے میں ہیں۔

زیلنسکی نے کہا کہ روس نے یوکرین کے خلاف اس لیے جنگ شروع کی کیوں کہ وہ یورپ میں آگے بڑھنا چاہتا ہے، وہ یورپ میں آزادی کو تباہ کرنا چاہتا ہے۔

صدر زیلنسکی نے کہا کہ یوکرین حملہ یورپی سیکیورٹی اور دفاعی طریقہ کار کے لیے ایک بنیادی چیلنج ہے، یورپ روس کے خلاف سخت سے سخت پابندیاں عائد کرے، انھوں نے سویڈن کو متنبہ کیا کہ اب روس کی نگاہیں بحیرۂ بالٹک میں موجود اس کے جزیرے گوٹ لینڈ پر ہیں۔

یوکرینی صدر کا کہا روسی تجزیہ نگار ٹی وی پر بحث کر رہے ہیں کہ روس گوٹ لینڈ پر کیسے قبضہ کرے گا اور وہ اسے عشروں تک کیسے قبضے میں رکھے گا؟

from عالمی خبریں – ARYNews.tv | Urdu – Har Lamha Bakhabar https://ift.tt/rz2i3GU