وزیراعظم کی روضہ رسول ﷺ پر حاضری، ریاض الجنہ میں افطار اور نماز ادا کی

وزیرِ اعظم شہباز شریف نے مسجدِ نبوی میں روضہ رسول صلی اللہ علیہ وسلم پر حاضری دی اور نمازِ مغرب ادا کی۔

وزیراعظم شہبازشریف وفد کے ہمراہ تین روزہ دورے پر سعودی عرب پہنچے تو مدینہ منورہ کے گورنر نے ان کا استقبال کیا۔

گورنر سے استقبالیہ ملاقات کے بعد وزیراعظم مسجد نبوی پہنچے جہاں انہوں نے وفد کے ہمراہ روضہ رسول ﷺ پر حاضری دی اور زیارت کے بعد ریاض الجنہ میں روزہ افطار کیا۔

وزیراعظم نے ریاض الجنہ میں نمازِ مغرب ادا کی اور دعا کی۔ اس موقع پر مسجد نبوی انتظامیہ کے ارکان راہنمائی کے لیے موجود تھے۔

دورے کے دوران وزیراعظم عمرہ کی سعادت حاصل کریں گے اور سعودی قیادت سے ملاقاتیں کریں گے۔ وزیراعظم کی پاکستانی کمیونٹی سے ملاقات بھی متوقع ہے۔

from پاکستان – ARYNews.tv | Urdu – Har Lamha Bakhabar https://ift.tt/tekNMGy