گاڑی مالکان ہوشیار !! ٹریفک پولیس نے دوبارہ چالان بُک تھام لی

کراچی : ٹریفک پولیس نے ایک مرتبہ پھر چالان سروس شروع کرنے کا فیصلہ کرلیا، ڈی آئی جی ٹریفک نے کراچی پولیس چیف کو خط لکھ دیا۔

اس حوالے سے ڈی آئی جی ٹریفک احمد نواز چیمہ کا کہنا ہے کہ دو ماہ قبل شہریوں کے چالان کرنا بند کردیئے گئے تھے۔

انہوں نے بتایا کہ صرف آبزرویشن کا پیریڈ جاری رکھا گیا تھا تاکہ معلوم ہوسکے کہ چالان کے بغیر ٹریفک کی صورتحال کیسی ہوتی ہے؟

احمدنوازچیمہ نے بتایا کہ دو ماہ کے دوران ٹریفک کی روانی میں بہتری نظرآئی جبکہ دوسری جانب کمرشل گاڑیوں نے قوانین کی بہت خلاف ورزیاں کیں۔

ڈی آئی جی ٹریفک کا کہنا تھا کہ اس دوران ڈبل لائن میں پارکنگ اور دیگر خلاف ورزیاں بھی جاری رہیں، سہولت کا غلط فائدہ اٹھایا گیا۔

انہوں نے بتایا کہ اس صورتحال کومدنظر رکھتے ہوئے دوبارہ چالان شروع کرنے کا فیصلہ کیا گیا ہے، پہلے ایک ہزار افسران چالان کرتے تھے،اب چالان کرنے والے افسران کی تعداد صرف 350کےقریب ہوگی۔

ڈی آئی جی ٹریفک احمد نواز چیمہ نے واضح کیا کہ اے ایس آئی سے انسپکٹر تک کا افسر چالان کرسکے گا، کراچی پولیس چیف کی اجازت ملتے ہی چالان دوبارہ شروع کردیے جائیں گے۔

from پاکستان – ARYNews.tv | Urdu – Har Lamha Bakhabar https://ift.tt/YyiKsVO