یورپ میں پاکستانیوں کی اسمگلنگ، ہائی ویلیو اسمگلرز گرفتار

یورپ میں پاکستانیوں کی اسمگلنگ میں ملوث نیٹ ورک پکڑا گیا۔

یورپی پولیس کے مطابق پاکستانیوں سمیت دیگر افراد کی اسمگلنگ میں ملوث سمیت ہائی ویلیو ٹارگٹس کو گرفتار کر لیا گیا ہے۔

یہ کریک ڈاؤن یورپی پولیس ایجنسی یوروپول کی جانب سے کیا گیا ہے۔ یورپ بھر میں ہونے والی کارروائیوں میں انسانی اسمگلروں کے 126 سہولت کار بھی شامل ہیں۔

یورپول نے اپنی ویب سائٹ پر بتایا ہے کہ سب سے زیاہ گرفتاری آسٹریا سے ہوئی ہیں۔ اس نیٹ ورک کے خلاف گزشتہ سال اگست میں آپریشن شروع کیا گیا تھا جس میں اب تک ہائی ویلیو ٹارگٹس کو بھی پکڑا گیا ہے۔

تحقیقات کے مطابق ان افراد نے 10 ہزار مہاجرین کو غیرقانونی طریقے سے یورپ میں داخل کیا تھا اور ان ہائی ویلیو ٹارگٹس میں زیادہ تر کا تعلق شام سے ہے جنہوں نے عالمی سطح پر منظم تعلقات قائم کر رکھے تھے۔

اسمگل شدہ مہاجرین میں زیادہ تر کا تعلق پاکستان، افغانستان اور شام سے ہے۔

from عالمی خبریں – ARYNews.tv | Urdu – Har Lamha Bakhabar https://ift.tt/MsLwqEQ