وزیرداخلہ کا کراچی سے اغوا ہونے والے صحافی کی فوری بازیابی کا حکم

وفاقی وزیر داخلہ رانا ثناء اللہ نے کراچی سے نجی ٹی وی کے اسائمنٹ ایڈیٹر نفیس نعیم کے اغوا کا نوٹس لیتے ہوئے آئی جی سندھ کو صحافی کی فوری بازیابی کی ہدایت کردی۔

وزیرداخلہ راناثنااللہ نے آئی جی سندھ غلام نبی میمن سے ٹیلی فونک رابطہ کیا اور ہدایت کی کہ پولیس اور متعلقہ ادارے نفیس نعیم کی بازیابی کیلئے تمام وسائل بروئےلائیں۔

وزیرداخلہ نے کہا کہ وفاقی حکومت اس معاملے میں سندھ پولیس کو ہر قسم کی تکنیکی معاونت فراہم کرے گی۔
آئی جی سندھ نے وزیرداخلہ کو نفیس نعیم کو جلدبازیاب کرانےکی یقین دہائی کروائی ہے۔

CCTV footage shows Nafees Naeem of Aaj TV, was picked up by a group of men in plainclothes near his residence in the Nazimabad area of Karachi pic.twitter.com/HU9PsZGwR1

— Arshad Yousafzai (@Arshadyousafzay) June 13, 2022

کراچی پریس کلب نے سینئرصحافی اورآج نیوز کے سینئر اسائنمنٹ ایڈیٹرنفیس نعیم کے نامعلوم سادہ لباس اہلکاروں کے ہاتھوں اغوا اور لاپتہ کیے جانے کی شدید مذمت کرتے ہوئے وزیراعلیٰ سندھ سے واقعے کا فوری نوٹس لیکرلاپتہ صحافی کو بازیاب کرنے کا مطالبہ کیاہے۔

A notice of kidnapping of SAE Aaj News, Nafees Naeem has been taken and IG Sindh has been contacted to ensure his safe recovery. The fed gov will provide every sort of technical assistance to Sindh Police and all the necessary resources will be utilized to ensure his safe return.

— Rana SanaUllah Khan (@RanaSanaullahPK) June 13, 2022

پیر کو جاری بیان میں کراچی پریس کلب کے صدر فاضل جمیلی،سیکرٹری محمدرضوان بھٹی اور دیگر عہدیداروں نے بتایا کہ پیرکے روزنفیس نعیم کو نامعلوم سادہ لباس اہلکاراس وقت اپنے ہمراہ لے گئے جب وہ ناطم آباد میں واقع اپنے گھر کے قریب مارکیٹ سے سودا سلف خرید رہے تھے، عینی شاہدین کے مطابق انہیں پولیس موبائل میں ڈال کر لے جایا گیا جس سے یہ بات ثابت ہوتی ہے کہ نفیس نعیم کو اغوا کرنے والے سرکاری اہلکار تھے۔

انہوں نے کہاکہ سینئرصحافی کا دن دہاڑے اغوا لاقانونیت کی انتہا اور اس سلسلے کی کڑی ہے جس کا شکار ملک بھر میں صحافی مسلسل ہورہے ہیں۔

from پاکستان – ARYNews.tv | Urdu – Har Lamha Bakhabar https://ift.tt/ZXnfSMc