گورنر پنجاب نے پرویز الٰہی سے حلف لینے سے انکار کردیا

لاہور: گورنر پنجاب بلیغ الرحمان نے چوہدری پرویز الٰہی سے حلف لینے سے انکار کردیا۔

اے آر وائی نیوز کے مطابق گورنر پنجاب بلیغ الرحمان کے پرویز الٰہی سے حلف لینے سے انکار کے بعد صدر مملکت ڈاکٹر عارف علوی ان سے وزارت اعلیٰ کا حلف لیں گے۔

ذرائع کے مطابق پرویز الٰہی وزیر اعلیٰ پنجاب کا حلف لینے گورنر ہاؤس پہنچ گئے ہیں لیکن گورنر ہاؤس کے دروازے بند ہونے پر انہیں داخلے کی اجازت نہیں ملی ہے۔

ذرائع کا بتانا ہے کہ پی ٹی آئی رہنماؤں کو بھی گورنر ہاؤس میں داخلے کی اجازت نہیں ملی ہے۔

ڈپٹی اسپیکر کی رولنگ کالعدم قرار، پرویز الہٰی نئے وزیراعلیٰ‌ پنجاب ہوں‌گے

گورنر ہاؤس کے گیٹ بند ہیں جبکہ ق لیگ اور پی ٹی آئی رہنماؤں کی بڑی تعداد باہر موجود ہے جبکہ گورنر ہاؤس کے باہر گورنر پنجاب اور حکومت کے خلاف نعرے لگائے جارہے ہیں۔

واضح رہے کہ سپریم کورٹ نے اپنے حکم نامے میں کہا تھا کہ گورنر آج رات ساڑھے 11 بجے پرویز الٰہی سے حلف لیں اور اگر گورنر پنجاب حلف نہیں لے سکتے تو صدر مملکت پرویز الٰہی سے حلف لیں۔

from پاکستان – ARYNews.tv | Urdu – Har Lamha Bakhabar https://ift.tt/lYgFsHh