سابق صدر آصف علی زرداری اچانک دبئی روانہ

اسلام آباد: سابق صدر آصف علی زرداری اچانک دبئی روانہ ہو گئے۔

تفصیلات کے مطابق پیپلز پارٹی کے شریک چیئرمین آصف زرداری غیر ملکی ایئر لائن کی پرواز سے دبئی روانہ ہو گئے۔

ذرائع کا کہنا ہے کہ آصف زرداری چند دن دبئی میں قیام کرنے کے بعد وطن پہنچیں گے۔

خیال رہے کہ آصف زرداری کی ق لیگ کے سربراہ چوہدری شجاعت کے ساتھ چند دن قبل کی کئی گھنٹوں پر مشتمل پے در پے 2 ملاقاتوں کے بعد پنجاب کی وزارت اعلیٰ کے حوالے سے ایک بڑا سیاسی دنگل شروع ہو چکا ہے۔

ڈپٹی اسپیکر پنجاب اسمبلی کی جانب سے وزیر اعلیٰ الیکشن سے متعلق رولنگ کے معاملے پر آج سپریم کورٹ میں رولنگ کے خلاف درخواستوں پر سماعت ہو رہی ہے، اس اہم کیس کی سماعت پر حکومت نے سپریم کورٹ اور ریڈ زون اسلام آباد کی سیکیورٹی بھی بڑھا دی ہے۔

جے یو آئی، چوہدری شجاعت، پی پی پی، ایم کیو ایم نے بھی اکھاڑے میں اترنے کا اعلان کیا ہے، اور تمام جماعتوں کی جانب سے فل کورٹ تشکیل دینے کی استدعا کی جائے گی، جب کہ ق لیگ کے سربراہ چوہدری شجاعت عدالت میں اپنے اس خط کی تصدیق کریں گے، جس کی وجہ سے پی ٹی آئی کے وزیر اعلیٰ کو زیادہ ووٹ پڑنے کے باوجود وہ ہار گئے تھے۔

from پاکستان – ARYNews.tv | Urdu – Har Lamha Bakhabar https://ift.tt/37MQtr5