آرمی ہیلی کاپٹر لاپتہ: ’قوم وطن کے بیٹوں کی سلامتی کیلئےدعاگو ہے‘

وزیراعظم میاں شہبازشریف نے آرمی ایوی ایشن کے ہیلی کاپٹر کی گمشدگی پر تشویش کا اظہار کرتے ہوئے سوار افسران کے لیے سلامتی کی دعا کی ہے۔

اپنے پیغام میں وزیراعظم نے کہا کہ آرمی ایوی ایشن کےہیلی کاپٹرکی گمشدگی پرتشویش ہے قوم سیلاب متاثرین کی مدد پر نکلنے والے وطن کےبیٹوں کی سلامتی کیلئےدعاگوہے۔

وزیراعظم نے کہا کہ قوم دعاگو ہے وطن کےبیٹوں کی بحفاظت اوربخیریت واپسی ہو۔

پاکستان آرمی ایوی ایشن کاہیلی کاپٹر لاپتہ

وزیراعلیٰ بلوچستان قدونس بزنجو نے ہیلی کاپٹر کے لاپتہ ہونے پر اظہارتشویش کرتے ہوئے کہا ہے کہ دعا ہےاللہ ہیلی کاپٹرمیں سوارسب کی حفاظت فرمائے۔

وزیراعلیٰ پنجاب چوہدری پرویزالٰہی نے کہا کہ ہیلی کاپٹرمیں سواروطن کےبیٹوں کی سلامتی کیلئے دعاگو ہوں قوم بھی اللہ تعالٰی کےحضورسجدہ بسجودہے۔

from پاکستان – ARYNews.tv | Urdu – Har Lamha Bakhabar https://ift.tt/d9Qj7i6