سوشل میڈیا پر عمران خان کی گرفتاری کی افواہیں

سوشل میڈیا پر پاکستان تحریک انصاف کے چیئرمین اور سابق وزیر اعظم عمران خان کی گرفتاری سے متعلق افواہیں گردش کر رہی ہیں۔

اے آر وائی نیوز کے مطابق عمران خان کی رہائش گاہ بنی گالہ میں معمول کے مطابق پولیس سکیورٹی ہے۔ بنی گالہ کے باہر 6 سے 7 پولیس اہلکار تعینات ہیں۔

بنی گالا سے تازہ ترین صورت حال۔۔۔ pic.twitter.com/5NTMpF4pcV

— Abdul Qadir (@AbdulqadirARY) August 21, 2022

پی ٹی آئی رہنما مراد سعید نے کچھ دیر قبل ٹوئٹ کیا: ’عمران خان کی گرفتاری کے احکامات جاری کر دیے گئے ہیں، اپنی خودداری مانگنے کی جسارت کی قیمت چکھانے کا وقت آگیا ہے، نکلو پاکستان کی خاطر‘۔

عمران خان کی گرفتاری کے آرڈرز جاری۔ اپنی خودداری مانگنے کی جسارت کی قیمت چکھانے کا وقت آگیا ہے۔نکلو پاکستان کی خاطر!

— Murad Saeed (@MuradSaeedPTI) August 21, 2022

دوسری جانب سابق وزیر اعظم عمران خان کے خلاف انسداد دہشت گردی ایکٹ کے تحت تھانہ مارگلہ میں مقدمہ درج کیا گیا ہے۔ مقدمہ مجسٹریٹ علی جاوید کی مدعیت میں درج ہوا ہے۔

ایف آئی آر کے متن میں کہا گیا کہ عمران خان نے ایڈیشنل سیشن جج کو ڈرایا دھمکایا، آئی جی اسلام آباد اور ڈی آئی جی کو دھمکی دی، انہوں نے تقریر میں کہا کہ تمہارے اوپر کیس کرنا ہے، مجسٹریٹ صاحبہ آپ تیار ہو جائیں، آپ کے اوپر بھی ایکشن لیں گے، آپ سب کو شرم آنی چاہیے۔

متن کے مطابق عمران خان کے ان الفاظ اور تقریر مقصد پولیس کے اعلیٰ حکام اورعدلیہ کو دہشت زدہ کرنا تھا، عمران خان کے اس انداز اور ڈیزائن میں کی گئی تقریر سے پولیس حکام، عدلیہ اور عوام میں خوف و ہراس پھیلا۔

عمران خان کی تقریر کے متعلقہ حصے کا متن ایف آئی آر کے ساتھ لگایا گیا ہے۔

from پاکستان – ARYNews.tv | Urdu – Har Lamha Bakhabar https://ift.tt/FmB3i0T