برقع پہن کر لڑکی سے ملنے والا نوجوان پکڑا گیا

بھارت میں برقع پہن کر لڑکی سے ملنے گئے نوجوان کو اہل علاقہ نے پکڑ لیا۔

بھارتی میڈیا رپورٹس کے مطابق ریاست اترپردیش کے شہر شاہجہان پورہ میں یہ واقعہ پیش آیا جہاں سیف علی نامی 25 سالہ نوجوان برقع پہن کر اپنی محبوبہ سے ملنے گیا تاہم علاقہ مکینوں کو اس کی چال ڈھال سے شک ہوا۔

لوگوں نے جب اس سے بات کی تو وہ پہلے تو بولنے سے ہچکچاتا رہا اور پھر جونہی آواز بدل کر بولنے کی کوشش کی تو لوگ پہچان گئے کہ وہ خاتون نہیں بلکہ مرد ہے۔

اہل علاقہ نے نوجوان کا برقع اتار کر اس کی خوب دھلائی کی اور تشدد کا نشانہ بنایا۔

بعدازاں پولیس کو کال کی گئی اور اسے پولیس کے حوالے کر دیا گیا۔

رپورٹ کے مطابق پولیس نے نوجوان کے خلاف مقدمہ درج کرکے تفتیش شروع کر دی ہے۔

from عالمی خبریں – ARYNews.tv | Urdu – Har Lamha Bakhabar https://ift.tt/3luhpJs