غیر قانونی طریقے سے بارڈر کراس کر کے آنے والے 26 افغانی گرفتار

کراچی: شہر قائد میں پولیس نے غیر قانونی طریقے سے بارڈر کراس کر کے پاکستان آنے والے 26 افغانی گرفتار کر لیے۔

تفصیلات کے مطابق سہراب گوٹھ پولیس نے الآصف اسکوائر کے قریب سروس روڈ پر کارروائی کرتے ہوئے غیر قانونی طور پر پاکستان آنے والے چھبیس افغانی گرفتار کر لیے۔

پولیس حکام کا کہنا ہے کہ یہ کارروائی گشت پر مامور پیٹرولنگ افسر کی جانب سے کی گئی ہے، پیٹرولنگ افسر کو کوئی بھی شخص اپنی پاکستانی شہریت نہ دکھا سکا۔

پولیس حکام کے مطابق ملزمان کی جانب سے بتایا گیا کہ وہ غیر قانونی طور پر پاکستان میں داخل ہوئے ہیں۔ گرفتار افغانیوں کے خلاف فارن ایکٹ کی دفعات کے تحت مقدمہ درج کر دیا گیا۔

from پاکستان Archives - ARYNews.tv | Urdu - Har Lamha Bakhabar https://ift.tt/NBuXVhS