پاک فوج کا ہیلی کاپٹر بلوچستان میں گر کر تباہ، دونوں پائلٹس سمیت 6 اہلکار شہید

برنائی : پاک فوج کا ہیلی کاپٹر بلوچستان میں گر کر تباہ ہوگیا ، جس کے نتیجے میں دونوں پائلٹس سمیت 6 اہلکار شہید ہوگئے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ پاک فوج کا ہیلی کاپٹر بلوچستان کے ضلع ہرنائی میں گر کر تباہ ہوگیا۔

آئی ایس پی آر کا کہنا تھا کہ ہیلی کاپٹر حادثے کے نتیجے میں دونوں پائلٹس سمیت 6اہلکار شہید ہوگئے، پاک آرمی ایوی ایشن کاہیلی کاپٹرفلائنگ مشن پر تھا۔

ترجمان نے بتایا کہ شہدا میں میجرمحمدمنیب افضل اورمیجرخرم شہزاد ، نائیک جلیل، صوبیدارعبدالوحید، سپاہی محمدعمران اور سپاہی شعیب شامل ہیں۔

یاد رہے گزشتہ ماہ پاکستان آرمی ایوی ایشن کا ہیلی کاپٹر لا پتا ہوا تھا بعد ازاں ہیلی کاپٹرکاملبہ موسیٰ گوٹھ وندر لسبیلہ سے ملا۔

ہیلی کاپٹر حادثے میں کور کمانڈر کوئٹہ لیفٹیننٹ جنرل سرفراز علی سمیت6 افسران و اہلکاروں شہید ہوئے تھے۔

ابتدائی تحقیقات کے مطابق ہیلی کاپٹر کو حادثہ خراب موسم کے باعث پیش آیا تھا۔

from پاکستان Archives - ARYNews.tv | Urdu - Har Lamha Bakhabar https://ift.tt/zhOWLRZ