پی ڈی ایم نے ملکی معیشت کو بری طرح تباہ کردیا ہے، اسدعمر

اسلام آباد : پی ٹی آئی کے رہنما اسد عمر نے کہا ہے کہ پی ڈی ایم نے معیشت کو بہت بری طرح تباہ کردیا ہے، یہ لوگ جس مقصد کیلئے اقتدارمیں آئے تھے وہ انہوں نے پورا کرلیا۔

ان خیالات کا اظہار انہوں نے اے آر وائی نیوز کے پروگرام الیونتھ آور میں خصوصی گفتگو کرتے ہوئے کیا انہوں نے کہا کہ یہ تشویشناک بات ہے کہ وزیراعظم ہاؤس کی اس قسم کی آڈیوز آرہی ہیں۔

اسد عمر نے کہا کہ آڈیو لیکس ہورہی ہیں تو مزید آڈیو بھی آجائیں گی دیکھنا یہ ہے کہ اس میں ہوگا کیا؟، ن لیگ کی حکومت ہے ان کو ایسی آڈیو لیکس کی تحقیقات کرانی چاہئیں۔

انہوں نے کہا کہ ایک مفرور شخص جو لندن میں بیٹھا ہے ملک کے فیصلے اس کی مشاورت سے ہورہے ہیں،
احتجاجی تحریک کیلئے فائنل کال کا فیصلہ عمران خان خود کریں گے، عمران خان نے ابھی تک تاریخ اور کیسی کال ہوگی نہیں بتایا۔

ایک سوال کے جواب میں ان کا کہنا تھا کہ اگر ارسلان نے کوئی گفتگو کی یا قانون کی خلاف ورزی کی تھی تو5ماہ سے ان کی حکومت ہے تو اس کیخلاف کارروائی کریں، کس نے روکا ہے،؟

پی ٹی آئی کے رہنما نے کہا کہ توشہ خانہ کیس میں الیکشن کمیشن کیا کرے گا، یہ ن لیگ والا ہی بتا سکتا ہے، الیکشن کمیشن متنازع ہوچکاہے، ممنوعہ فنڈنگ کیس میں قانون سےبالا جملے ڈالے گئے۔

اسد عمر کا کہنا تھا کہ پتہ نہیں اسحاق ڈار کو کس نے کہہ دیا کہ معیشت کا دارو مدار ڈالرکی قدر پر ہوتا ہے، انہوں نے جب ماضی میں ڈالرکو مصنوعی کنٹرول پر رکھا تو اربوں ڈالر ضائع کیے، ہماری معیشت کوبہت بری طرح تباہ کردیا گیا۔

انہوں نے کہا کہ امید ہے اسحاق ڈار کو معیشت تباہ کرنے کیلئے ایک دو ہفتے سے زیادہ وقت نہیں ملے گا، پی ڈی ایم اور ن لیگ کی سیاست موجودہ حکومت چلا کر خود تباہ ہوگئی ہے۔

سابق وفاقی وزیر نے کہا کہ یہ لوگ جس مقصد کیلئے اقتدار میں آئے تھے وہ انہوں نے پورا کرلیا، روزانہ ان کے کیسزختم ہوتے جارہے ہیں جو ان کا مفاد تھا وہ انہوں نے پورا کرلیا۔

from پاکستان Archives - ARYNews.tv | Urdu - Har Lamha Bakhabar https://ift.tt/bImVT2g