ملک بھر میں سیلاب متاثرہ اضلاع میں ہیلتھ کیمپس لگانے کا فیصلہ

کراچی: ملک میں سیلاب متاثرین کو صحت کی سہولیات کی فراہمی یقینی بنانے کے لیے وفاقی وزیر صحت عبدالقادر پٹیل کی ہدایت پر متاثرہ اضلاع میں ہیلتھ کیمپس لگانے کا فیصلہ کیا گیا ہے۔

ترجمان وزارت صحت کا کہنا ہے کہ ملک میں سیلاب متاثرہ اضلاع میں ہیلتھ کیمپس نیشنل ایمرجنسی آپریشن سیل، صوبائی ایمرجنسی آپریشن سینٹرز (ای او سی)، اور نجی یونیورسٹی کے اشتراک سے لگائے جائیں گے۔

عبدالقادر پٹیل نے سیلاب متاثرین کو طبی سہولیات کی فراہمی کے لیے عملی اقدامات کے حوالے سے بتایا کہ سیلاب سے متاثرہ اضلاع میں تقریباً 1200 ہیلتھ کیمپ لگائے جائیں گے۔

عبدالقادر پٹیل کے مطابق ہیلتھ کیمپس میں بنیادی صحت کی خدمات فراہم کی جائیں گی، کیمپس میںبچوں کی ویکسینیشن، جلد کے امراض، آنکھوں کے انفیکشن، اور ڈائریا کے لیے ادویات فراہم کی جائیں گی۔

انھوں نے کہا بلوچستان کے 6 اضلاع میں 3 سو کیمپ لگائے جائیں گے، کراچی میں مجموعی طور پر 95 ہیلتھ کیمپ لگائے جائیں گے، خیبر پختون خوا کے 8 اضلاع میں 4 سو ہیلتھ کیمپس، پنجاب کے 2 اضلاع ڈی جی خان، اور راجن پور میں 100 کیمپ، جب کہ اندرون سندھ کے 6 اضلاع میں 3 سو ہیلتھ کیمپس لگائے جائیں گے۔

from پاکستان – ARYNews.tv | Urdu – Har Lamha Bakhabar https://ift.tt/EaXsJQm