فیصل واوڈا کی گفتگو لانگ مارچ کو خراب کرنے کی کوشش ہے، اعجاز چوہدری

پاکستان تحریک انصاف کے رہنما اعجاز چوہدری نے پارٹی رہنما فیصل واوڈا کی غیر معمولی اہمیت کی حامل پریس کانفرنس پر اپنے ردعمل کا اظہار کر دیا۔

عمر سرفراز چیمہ اورمسرت جمشید چیمہ کے ہمراہ نیوز کانفرنس میں اعجاز چوہدری نے کہا کہ آج پاکستان کے بڑے صحافی کا جسد خاکی ان کی ماں کے سامنے پڑا تھا، فیصل واوڈا کو اس قسم کی گفتگو نہیں کرنی چاہیے تھی۔

اعجازچوہدری نے کہا: ’فیصل واوڈا نے ایسی گفتگو کر کے عوام کو تکلیف پہنچائی ہے۔ پی ٹی آئی نے 26 سالہ تاریخ میں کبھی پُرتشدد احتجاج نہیں کیا۔ کبھی قانون ہاتھ میں نہیں لیا جس کی مثال 25 مئی ہے۔

فیصل واوڈا کی پریس کانفرنس دیکھیں

انہوں نے کہا کہ عمران خان نے کہا تھا کہ احتجاج پُرامن ہوگا اور فیملیز شریک ہوں گی، علی نواز اعوان نے باقاعدہ انتظامیہ سے 4 نومبر کو جلسے کی اجازت لی، فیصل واوڈا نے وہ کھیل شروع کیا جس سے امن کو تار تار کا اندیشہ ہے، نازک وقت میں ایسی گفتگو حالات خراب کرنے کے مترادف ہے، فیصل واوڈا کا بیان مسترد کرتے ہیں۔

عمر سرفراز چیمہ نے کہا: ’ہم نے ہمیشہ پُرامن احتجاج اور ریلیاں نکالی ہیں۔ متنازع باتیں صرف شکوک و شبہات پیدا کرنے کی کوشش ہے۔ لانگ مارچ سے متعلق فول پروف انتظامات کیے جائیں گے۔ لوگوں کی جان و مال کے تحفظ کا مکمل خیال رکھا جائے گا۔‘

انہوں نے کہا کہ فیصل واوڈا کی پریس کانفرنس نواز شریف کا بیان واضح کرتا ہے، ارشد شریف کے ٹوئٹ سامنے ہیں کس نے انہیں جانے پر مجبور کیا۔

دوسری جانب فیصل واوڈا کو پی ٹی آئی سینٹرل کور کمیٹی کے وٹس ایپ گروپ سے نکال دیا گیا۔ پارٹی پالیسی سے متعلق چیئرمین عمران خان، اسد عمر اور بابراعوان رائے دے سکیں گے۔ اسد عمر اور بابر اعوان نے پارٹی پالیسی سے متعلق ٹوئٹس کر دیے۔

ادھر اسد عمر نے اپنے ٹوئٹر ہینڈل سے لکھا: ’فیصل واوڈا کا بیان پارٹی پالیسی یا مؤقف نہیں ہے۔ پارٹی پالیسی کی خلاف ورزی پر فیصل واوڈا کو شوکاز جاری کیا جا رہا ہے۔‘

Faisal wavda statement does NOT represent party policy and views. President sind has been told on the instructions of the chairman @ImranKhanPTI, to issue show cause notice to faisal for violating party policy https://t.co/V5f59d9ZaW

— Asad Umar (@Asad_Umar) October 26, 2022

from پاکستان Archives - ARYNews.tv | Urdu - Har Lamha Bakhabar https://ift.tt/6k5BMwd