امریکی صدر کے بیان پر تبصرہ ترجمان وائٹ ہاؤس کے لیے چھوڑتا ہوں: ویدانت پٹیل

واشنگٹن: نائب ترجمان امریکی محکمہ خارجہ ویدانٹ پٹیل نے کہا ہے کہ امریکا ایک محفوظ اور خوش حال پاکستان دیکھنا چاہتا ہے۔

تفصیلات کے مطابق امریکی محکمہ خارجہ کے نائب ترجمان ویدانت پٹیل نے پریس کانفرنس میں کہا کہ امریکی صدر کے بیان پر تبصرہ ترجمان وائٹ ہاؤس کے لیے چھوڑتا ہوں، یہ ضرور کہوں گا کہ امریکا ایک محفوظ اور خوش حال پاکستان دیکھنا چاہتا ہے۔

انھوں نے کہا محفوظ اور خوش حال پاکستان امریکا کے مفاد میں ہے، ہم پاکستان کے ساتھ دیرینہ تعلقات کو اہمیت دیتے ہیں۔

صحافی نے سوال کیا کہ پاکستانی سفیر مسعود خان کو محکمہ خارجہ میں کیوں طلب کیا گیا تھا؟ ویدانت پٹیل نے جواب دیا کہ پاکستانی آفیشلز کے ساتھ ملاقاتیں معمول کا عمل ہیں، نجی سفارتی ملاقاتوں پر تبصرہ نہیں کرتے۔

انھوں نے کہا کئی ممالک دہشت گردی سے متاثر ہوئے جس میں پاکستان بھی ہے، دہشت گردی کے خطرات سے نمٹنا مشترکہ مفادات میں شامل ہے، انسداد دہشت گردی پر پاکستان کے ساتھ مضبوط شراکت داری چاہتے ہیں۔

نائب ترجمان امریکی محکمہ خارجہ نے کہا ہم تمام دہشت گردوں کے خلاف کارروائی کی توقع کرتے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/LNerPWZ