سعودی ریلوے کی جانب سے ٹکٹوں میں رعایت کا اعلان

ریاض: سعودی عرب میں ریلوے کی 71 ویں سالگرہ کے موقع پر ٹکٹوں میں رعایت کا اعلان کردیا گیا، ٹکٹ بکنگ کی سہولت ویب سائٹ اور ایپ پر فراہم کی گئی ہے۔

اردو نیوز کے مطابق سعودی ریلوے کمپنی سار کی جانب سے ریلوے کی 71 ویں سالگرہ کے موقع پر ٹرینوں کے شمالی اور مشرقی روٹس کے لیے 15 فیصد رعایت کا اعلان کردیا گیا۔

کمپنی انتظامیہ کا کہنا ہے کہ 20 اکتوبر 2022 سے رعایتی نرخوں پر ٹکٹ بک کروائے جاسکتے ہیں، ویب سائٹ اور ایپ پر بکنگ کی سہولت فراہم کی گئی ہے۔

سار کی جانب سے رعایت کے حوالے سے مزید کہا گیا ہے کہ 15 فیصد رعایت بزنس کلاس، اکانومی اور سلیپرز کے لیے فراہم کی جارہی ہے۔

ریلوے کی 71 ویں سالگرہ کے حوالے سے خصوصی رعایتی نرخوں پر فراہم کی گئی ٹکٹس 19 نومبر تک استعمال کی جاسکتی ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/4kQ6SAw