مزید پڑھیں : میرا ٹارگٹ صرف عمران خان تھا، مبینہ حملہ آور کا ویڈیو بیان

وزیر آباد میں پی ٹی آئی کے حقیقی آزادی مارچ کے دوران عمران خان پر قاتلانہ حملہ کرنے والے مبینہ حملہ آور کا دعویٰ غلط ثابت ہوگیا۔

حملہ آور محمد نوید نے اپنے ویڈیو بیان میں جھوٹا دعویٰ کرتے ہوئے کہا تھا کہ عمران خان کے کنٹینر پر اذان کے وقت گانے چلتے تھے اس لیے عمران خان کو مارنے کا پروگرام بنایا۔

عمران خان کے کنٹینر پر اذان کے وقت گانے چلتے تھے، مبینہ حملہ آور کا دعویٰ جھوٹا نکلا#ARYNews #ImranKhan pic.twitter.com/NfQAJIYaA8

— ARY NEWS (@ARYNEWSOFFICIAL) November 3, 2022

اس حوالے سے ذرائع کا یہ کہنا ہے کہ اذان کے وقت حقیقی آزادی مارچ کے کنٹینر سے بھی باقاعدہ اذان دی جاتی تھی اور اس کنٹینر سے نجم شیراز اذان دیتے تھے۔

ذرائع کے مطابق اذان کے اوقات میں عمران خان کے کنٹینر پر خاموشی رہتی ہے، اس کے علاوہ روزانہ حقیقی آزادی مارچ شروع ہونے سے پہلے کنٹینر سے نعتیں پیش کی جاتی تھیں۔

واضح رہے کہ حقیقی آزادی مارچ کے دوران عمران خان پر فائرنگ کرنے والے مبینہ حملہ آور نے ابتدائی تحقیقات میں کہا تھا کہ ایک طرف آذان ہو رہی ہے وہاں یہ لوگ ڈیک لگا کر شور شرابہ کر رہے تھے، یہ بات میرے ضمیر نے اچھی نہیں مانی۔

مبینہ ملزم کا نوید کا  مزید کہنا تھا  کہ میرا ٹارگٹ صرف عمران خان تھا اور کسی کو نہیں مارنا چاہتا تھا۔  یہ اس لیے کیا کہ عمران خان لوگوں کو گمراہ کر رہا تھا اور مجھ سے یہ چیز دیکھی نہیں گئی، اس لیے مارنے کی کوشش کی۔

مزید پڑھیں : میرا ٹارگٹ صرف عمران خان تھا، مبینہ حملہ آور کا ویڈیو بیان

پولیس ذرائع کے مطابق عمران خان پر  مبینہ حلمہ آور کا نام محمد نوید ولد محمد بشیر ہے، گرفتار ملزم ذات کا آرائیں اور سودھراں کا رہائشی ہے ملزم کو ایک نائن ایم ایم پستول اور دو خالی میگزین کے ساتھ گرفتار کیا گیا۔

from پاکستان Archives - ARYNews.tv | Urdu - Har Lamha Bakhabar https://ift.tt/ObeZHtu