جسٹس عامر فاروق آج بطور چیف جسٹس اسلام آباد ہائی کورٹ کے عہدے کا حلف اٹھائیں گے

اسلام آباد : اسلام آباد ہائی کورٹ کے سینئر ترین جج جسٹس عامر فاروق آج بطور چیف جسٹس ہائی کورٹ  کے عہدے کا حلف اٹھائیں گے۔

تفصیلات کے مطابق اسلام آباد ہائی کورٹ کے سینئر ترین جج جسٹس عامر فاروق آج بطور چیف جسٹس ہائی کورٹ  کے عہدے کا حلف اٹھائیں گے۔

حلف برداری کی تقریب صبح 9 بجے ایوان صدر میں ہو گی ، حلف برداری کی تقریب سادہ مگر پروقار انداز میں منعقد کی جائے گی۔

ایوان صدر میں حلف برداری کی تقریب کے بعد اسلام آباد ہائی کورٹ میں چیف جسٹس کو گارڈ آف آنر پیش کیا جائے گا۔

خیال رہے گزشتہ ہفتے جسٹس اطہرمن اللہ کو سپریم کورٹ میں تعیناتی کی منظوری دی گئی تھی۔

یاد رہے جسٹس عامر فاروق نے یکم جنوری 2015 کو اسلام آباد ہائی کورٹ کے ایڈیشنل جج کے طور پر حلف لیا تھا۔

اسلام آباد ہائی کورٹ میں 7 برسوں کے دوران انہوں نے سنگل بینچ میں 10 ہزار سے زائد مقدمات کا فیصلہ سنایا۔

from پاکستان Archives - ARYNews.tv | Urdu - Har Lamha Bakhabar https://ift.tt/SUTzqeC