عمران خان کا حملے کی منصوبہ بندی سے متعلق اہم انکشاف

چیئرمین تحریک انصاف عمران خان نے کہا ہے کہ میری ایک ٹانگ سے3گولیاں نکالی گئی ہیں دوسری ٹانگ میں شارپنرز ہیں انہیں ابھی نہیں نکالا گیا، ٹانگ کی ہڈی کو نقصان پہنچا ہے پلاسٹر چڑھایا گیاہے معمولات کی طرف آنے میں کچھ دن لگیں گے۔

سابق وزیراعظم وچیئرمین پی ٹی آئی عمران خان نے امریکی نشریاتی ادارے کو انٹرویو دیتے ہوئے کہا کہ میرے پر حملے کی منصوبہ بندی 2 ماہ پہلے ہوئی تھی عوام میں گیا تو 24 ستمبر کو حملےسےمتعلق انکشاف کیا تھا جب میری حکومت گرائی گئی مجھےقتل کرنےکی منصوبہ بندی بنائی گئی یہ سمجھا جا رہا تھا مجھے راستے سے ہٹایا گیا تو میری پارٹی بکھر جائےگی۔

Chairman PTI @ImranKhanPTI talks about how he had warned the Nation regarding the plan being made on assassination. pic.twitter.com/prZiUYMJQr

— PTI (@PTIofficial) November 7, 2022

عمران خان نے کہا کہ دو خاندانوں کو ملک پر دوبارہ مسلط کر دیا گیا جو 30سال حکومت کرتے رہے جب ہماری حکومت گرائی گئی توعوام کی جانب سےشدیدردعمل آیا جب میری حکومت گرائی گئی توپارٹی مقبولیت میں اوراضافہ ہوا، اقتدار جانے کے بعد ہم نے75فیصدضمنی انتخابات جیتے میری مقبولیت دیکھ کرپوری کوشش کی گئی کسی طرح ریس سے باہر کیا جائے مجھےنااہل کرانےکی کوشش کی گئی،دہشت گردی کےپرچےکاٹےگئے مجھے راستے سے ہٹانےکی تمام تر کوششیں کی گئیں جب کوئی حربہ کامیاب نہیں ہواتومجھےمارنےکی منصوبہ بندی کی گئی۔

انہوں نے کہا کہ مریم نواز اورمریم اورنگزیب نے میرےخلاف مذہبی کارڈ کا استعمال کیا دونوں کی جانب سے تاثر دیا گیا کہ میں نے مذہبی جذبات مجروح کیے ہیں عوام میں جاکر بتایا کہ میرےخلاف مذہبی جذبات کا سہارا لیا جائےگا مجھے قتل کرایا گیا تو الزام حکومت پر جاتا اسی لیے منصوبے کے تحت مذہب کو استعمال کیا گیا حکومت کی جانب سے تاثر دیا جاتا کہ مجھےکسی مذہبی جنونیت والےنےقتل کیاہے۔

“How come I cannot name those people of who I’m suspicious for my assassination attempt?”-@ImranKhanPTI pic.twitter.com/fRpzMQ8oKK

— PTI (@PTIofficial) November 7, 2022

ان کا کہنا تھا کہ اگر مجھے قتل کر دیا جاتا تو منصوبہ تھا کہ کسی مذہبی شدت پسند نےقتل کیا مجھ پر قاتلانہ حملہ کرنے والے 2لوگ تھے شاید 3 بھی ہو سکتےہیں مجھ پر جب پہلے گولیاں چلائی گئیں تو میں نیچے گر گیا کیونکہ گولیاں ٹانگوں پر لگی تھیں پہلےحملہ آورنےجب گولیاں چلائی توایک کارکن نےاس کےہاتھ کو نیچے کر دیا تھا جب ہم نیچے گرے اس وقت دوبارہ گولیاں چلیں جو ہمارے اوپر سےگزریں میرےقتل کی باقاعدہ منصوبہ بندی کی گئی تھی ہمیں حملےکی منصوبہ بندی کاعلم تھاکہ مذہبی جنونیت کا تاثر دیاجائےگا۔

“It’s not the first Shehbaz Sharif and Rana Sanaullah are being accused of assassination attempt”-@ImranKhanPTI pic.twitter.com/Gat2wE3BnH

— PTI (@PTIofficial) November 7, 2022

پی ٹی آئی چیئرمین نے کہا کہ چیزوں کو کوراپ کرنےکی کوشش کی گئی اسی لیے آزادی تحقیقات کا مطالبہ کر رہا ہوں یہ لوگ ذمہ دار ہیں جب تک عہدوں پر رہیں گے آزاد تحقیقات نہیں ہوسکتی چیف جسٹس آف پاکستان سےبھی آزاد تحقیقات کرانےکامطالبہ کیاہے میرےالزامات اگر غلط ہیں تو انکوائری میں سامنے آجائے گا ہمیں مقبولیت کیلئےکسی پر الزام لگانےکی ضرورت نہیں ہے، شہبازشریف اور راناثنااللہ پر ویسے بھی بہت سےقتل کے الزامات ہیں سانحہ ماڈل ٹاؤن اور 25 مئی جیسے واقعات ان لوگوں کےجرائم کاثبوت ہیں۔

from پاکستان Archives - ARYNews.tv | Urdu - Har Lamha Bakhabar https://ift.tt/H5bnYEC