ایف آئی اے کی کارروائی، اکاؤنٹس ہیک کرکے اربوں کا فراڈ کرنیوالا گروہ گرفتار

فیڈرل انویسٹی گیشن ایجنسی (ایف آئی اے) نے شیخوپورہ میں کامیاب کارروائی کرتے ہوئے بینک اکاؤنٹس ہیک کرنے والا گروہ گرفتار کرلیا۔

اے آر وائی نیوز کے مطابق ایف آئی اے حکام کا کہنا ہے کہ گرفتار ملزمان سعودی عرب، قطر، یونان، پاکستان میں بینک اکاؤنٹس ہیک کرنے میں ملوث ہیں جبکہ اردو، عربی، یونانی زبانیں روانی سے بولتے ہیں۔

ترجمان ایف آئی اے کا کہنا ہے کہ پاکستان سے عرب و دیگر ممالک کالز انہی کی لوکل سم سے کی جاتی تھیں، ملزمان ایک ارب سے زائد کا فراڈ کرچکے ہیں۔

ایف آئی اے کا بتانا ہے کہ ملزمان عوام سے اکاؤنٹ کی تفصیلات لے کر تمام رقم اپنے اکاؤنٹس میں منتقل کرتے تھے جبکہ گینگ کے لیڈر نے عربی، فارسی بولنے میں مہارت رکھنے والے نوجوان بھرتی کیے۔

جعلی ویزے پر کینیڈا جانے والا مسافر گرفتار

دوسری جانب ایف آئی اے امیگرین نے اسلام آباد ایئرپورٹ پر کارروائی کرتے ہوئے جعلی ویزے پر کینیڈا جانے والا مسافر معظم علی شاہ کو گرفتار کرلیا۔

امیگریشن حکام کا کہنا ہے کہ ملزم کو قانونی کارروائی کے لیے اینٹی ہیومن ٹریفیکنگ سرکل اسلام آباد کے حوالے کردیا گیا ہے۔

from پاکستان Archives - ARYNews.tv | Urdu - Har Lamha Bakhabar https://ift.tt/ysKB92h