کیا عمرہ ویزے کی مدت میں توسیع ممکن ہے؟

ریاض: سعودی وزارت حج و عمرہ نے کہا ہے کہ 90 دن کے لیے جاری کیے جانے والے عمرہ ویزہ کی مدت میں توسیع نہیں کی جا سکتی۔

تفصیلات کے مطابق عمرہ ویزے کے حوالے سے وزارت حج و عمرہ کی جانب سے واضح کیا گیا ہے کہ عمرہ ویزے کی مدت نوّے روز ہوتی ہے۔

مذکورہ مدت کے دوران عمرہ ویزہ ہولڈر مملکت میں قیام کرنے کا اہل ہوتا ہے، تاہم اس مدت میں مزید توسیع نہیں کرائی جا سکتی۔

عاجل نیوز کے مطابق وزارت حج و عمرہ کے ٹوئٹر پر ایک سوال میں دریافت کیا گیا کہ ’دو برس کے بچے کو اپنے ہمراہ عمرے کے لیے لے جا سکتے ہیں؟‘‘

جواب میں کہا گیا کہ عمرہ پرمٹ کے لیے کم از کم عمر کی حد 5 برس متعین کی گئی ہے، تاہم چھوٹے بچے اپنے والدین کے ہمراہ مسجد الحرام آ سکتے ہیں۔

وزارت حج و عمرہ کے مطابق اندرون مملکت سے عمرہ کے لیے آنے والوں کے پرمٹ کے لیے عمر کی کم از کم حد 5 برس مقرر کی گئی ہے، تاہم اس سے کم عمر کے بچے اپنے والدین کے ہمراہ بغیر پرمٹ مسجد الحرام آ سکتے ہیں۔

وزارت کے مطابق پرمٹ کے حصول سے قبل اس بات کی یقین دہانی کی جائے کہ عمرہ زائر کرونا میں مبتلا نہ ہو، نہ ہی مکہ مکرمہ آنے سے قبل وہ کرونا میں مبتلا کسی شخص سے ملا نہ ہو۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/nETW2Xv