لاہور: ڈاکوؤں کی فائرنگ سے دو پولیس اہلکار جاں بحق

لاہور : مانگا منڈی کے علاقے میں پولیس مقابلے کے دوران ڈاکوؤں کی فائرنگ سے 2 اہلکار شہید ہوگئے، سی سی پی او نے ملزمان کی فوری گرفتاری کا حکم دے دیا۔

پولیس حکام کے مطابق لاہور کے علاقے مانگامنڈی شامکے بھٹیاں کے مقام پر پولیس مقابلہ ہوا جس میں اے ایس آئی عاصم اور کانسٹیبل شاہد ڈاکوؤں کی فائرنگ سے زخمی ہوگئے جو اسپتال میں دوران علاج دم توڑ گئے۔

پولیس حکام کا کہنا ہے کہ اے ایس آئی عاصم اور شاہد نے واردات کرنیوالے دو ڈاکوؤں کو روکا، ڈاکوؤں نے پولیس پارٹی پر فائرنگ کردی اور فرار ہوگئے۔

حکام کے مطابق پولیس کی بھاری نفری جائے وقوعہ پر پہنچ گئی اور واقعے کی تحقیقات اور ملزمان کی گرفتاری کےلیے کارروائی کا آغاز کردیا گیا ہے۔

ڈاکو شہریوں کو لوٹنے میں مصروف تھے کہ پولیس پہنچ گئی ایسے میں ڈاکوؤں نے اے ایس آئی محمد عاصم اور کانسٹیبل محمد شاہد کو دیکھ کر ان پر فائرنگ کردی۔

فائرنگ کے نتیجے میں اےایس آئی محمد عاصم موقع پر شہید ہوگیا جبکہ کانسٹیبل محمد شاہد کو شدید زخمی حالت میں طبی امداد کے لیےاسپتال منتقل کیا گیا۔

بعد ازاں دوران علاج کانسٹیبل محمد شاہد بھی زخموں کی تاب نہ لاتے ہوئے شہید ہوگیا۔ سی سی پی او لاہورغلام محمود ڈوگر فوری طور پر جائے وقوعہ پہنچے انہوں نے فائرنگ میں ملوث ڈاکوؤں کی فوری گرفتاری کا حکم جاری کیا۔

from پاکستان Archives - ARYNews.tv | Urdu - Har Lamha Bakhabar https://ift.tt/a9ly652