مسجد الحرام اور مسجد نبوی میں 34 خواتین اعلیٰ عہدوں پر تعینات

سعودی عرب نے مسجدِ الحرام اور مسجدِ نبوی ﷺ میں خواتین عازمین حج کی آسانی کے لیے اعلی عہدوں پر 34 خواتین تعینات کر دی گئیں۔

مکہ اور مدینہ کی دونوں مساجد سے متعلق امور چلانے والے ادارے نے اپنے ایک بیان میں کہا ہے کہ خواتین کی تقرری کا مقصد خواتین عازمین کے لیے سہولیات فراہم کرنا ہے۔

سعودی عرب کی مقامی میڈیا کے مطابق دو سال قبل مسجد الحرام میں باقاعدہ تربیت یافتہ اسی خواتین اہلکار حج و عمرہ زائرین کی سیکیورٹی خدمات پر مامور کی گئی تھیں۔

جن کا کام مسجد الحرام میں آنے والی خواتین کی مدد کرنا اور مطاف اور مسجد الحرام کے تمام حصوں میں ہجوم کو کنٹرول کرنا ہے۔

واضح رہے کہ اس سے قبل اگست 2021 میں سعودی عرب نے دو خواتین کو مسجد الحرام اور مسجد نبوی کے امور کے لیے جنرل پریذیڈنسی کے سربراہ کا لیے معاون مقرر کیا تھا۔

اس کے علاوہ اس ماہ کے شروع میں سعودی عرب نے حرمین ایکسپریس ٹرین لیڈرز پروگرام میں 32 خواتین کو بطور ڈرائیور تعینات کرنے کا اعلان کیا تھا۔

سعودی نے حالیہ برسوں میں خواتین کو بااختیار بنانے کے لیے متعدد اقدامات کیے ہیں، جن میں خواتین کو گاڑی چلانے کی اجازت دینا اور فوجی خدمات میں بھرتی کرنا شامل ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/iulh08U