شام کے زلزلہ متاثرین کے لیے 20 رکنی میڈیکل، ریسکیو ٹیمیں روانہ

اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے شام کے زلزلہ متاثرین کے لیے 20 رکنی میڈیکل اور ریسکیو ٹیمیں روانہ کر دیں۔

تفصیلات کے مطابق پاکستان کی جانب سے زلزلے سے متاثرہ ملک شام کے لیے امداد اور ٹیمیں روانہ کر دی گئیں، شام کے لیے امدادی وفد پمز سے 10 ڈاکٹرز، سی ڈی اے کی 10 رکنی ریسکیو ٹیم پر مشتمل ہے۔

ٹیموں کے ہمراہ ریلیف سامان بھی دمشق روانہ کیا گیا ہے، سامان میں 131 سردیوں کے خیمے اور 3 ہزار 966 کلو گرام ادویات شامل ہیں۔

امدادی ٹیموں کو وفاقی وزیر سیفران طلحہ محمود اور معاون خصوصی حامد حمید نے رخصت کیا، ریسکیو ٹیم شام کے متاثرہ علاقوں میں اربن سرچ اور ریسکیو آپریشن میں حصہ لے گی۔

ریسکیو اور میڈیکل ٹیمیں پی آئی اے چارٹرڈ طیارے بوئنگ 777 کے ذریعے دمشق پہنچیں گی۔

from پاکستان Archives - ARYNews.tv | Urdu - Har Lamha Bakhabar https://ift.tt/8bk5QBp