بین الاقوامی مارکیٹ میں تیل کی قیمت میں 3 فی صد کمی

بین الاقوامی مارکیٹ میں تیل کی قیمت میں 3 فی صد کمی واقع ہو گئی ہے۔

تفصیلات کے مطابق بین الاقوامی مارکیٹ میں برینٹ خام تیل کی قیمت 2.45 ڈالر فی بیرل کم ہو گئی، جب کہ امریکی ڈبلیو ٹی آئی کی قیمت میں 2.41 ڈالر فی بیرل کم ہوئی۔

غیر ملکی میڈیا کے مطابق برینٹ خام تیل کی قیمت 80 ڈالر 60 سینٹ فی بیرل ہو گئی ہے جب کہ امریکی ڈبلیو ٹی آئی کی قیمت 74 ڈالر 5 سینٹ فی بیرل ہو گئی۔

بدھ کو امریکی فیڈرل ریزرو کی تازہ ترین میٹنگ کے مطابق مانیٹری پالیسی کی تشکیل میں بلند افراط زر کا بڑا ہاتھ ہے، اور جب تک اس پر قابو نہیں پایا جائے گا، مہنگائی میں اضافے کا خدشہ موجود رہے گا۔

جمعرات کو ڈالر کا انڈیکس 0.1 فی صد کم ہو کر 104.39 پر آ گیا، جس سے دیگر کرنسی رکھنے والوں کے لیے تیل قدرے سستا ہو گیا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/hH27JA6