انٹرپول یونان کی مدد سے پولیس کو مطلوب گرفتار ملزم پاکستان منتقل

کراچی: انٹرپول یونان کی مدد سے، پنجاب میں پولیس کو مطلوب ملزم خلیل خان کو گرفتار کر کے پاکستان منتقل کر دیا گیا۔

تفصیلات کے مطابق گجرات پولیس کو مطلوب ملزم محمد خلیل خان کو ایف آئی اے NCB انٹرپول پاکستان نے یونان سے اسلام آباد ایئر پورٹ منتقل کر دیا۔

ملزم کے خلاف اقدام قتل کے تحت 2 مقدمات درج ہیں، متعلقہ پولیس کی درخواست پر ایف آئی اے NCB انٹرپول پاکستان نے ملزم کی گرفتاری کے لیے ریڈ نوٹس جاری کیا تھا۔

ترجمان ایف آئی اے کا کہنا ہے کہ ملزم کی حوالگی انٹرپول اسلام آباد کی انٹرپول یونان کے ساتھ قریبی رابطہ کاری کی وجہ سے ممکن ہوئی ہے۔

from پاکستان Archives - ARYNews.tv | Urdu - Har Lamha Bakhabar https://ift.tt/0SjsEdz