سعودی عرب: سب سے زیادہ ٹریفک خلاف ورزیاں کن گاڑیوں نے کی؟

ریاض: سعودی محکمہ ٹرانسپورٹ کا کہنا ہے کہ سب سے زیادہ ٹریفک خلاف ورزیاں لیموزین اور ایئرپورٹ ٹیکسیوں نے کیں، لیموزین اور ایئرپورٹ ٹیکسیوں نے 2 لاکھ 22 ہزار 262 خلاف ورزیاں کیں۔

اردو نیوز کے مطابق سعودی عرب میں پبلک ٹرانسپورٹ اتھارٹی کا کہنا ہے کہ 2022 کے دوران سب سے زیادہ ٹریفک خلاف ورزیاں لیموزین اور ایئر پورٹ ٹیکسیوں نے کیں، بسوں، گاڑیوں اور ٹرکوں کے مقابلے میں سب سے زیادہ ٹریفک خلاف ورزیاں ان گاڑیوں کی رہیں۔

اتھارٹی نے سرکاری اعداد و شمار جاری کر کے بتایا ہے کہ کارگو ٹرانسپورٹ ٹریفک خلاف ورزیوں کے حوالے سے دوسرے نمبر پر رہا، ان کی خلاف ورزیوں کی تعداد 1 لاکھ 52 ہزار 300 ریکارڈ کی گئیں۔

اتھارٹی کا کہنا ہے کہ ریلوے ٹرانسپورٹ میں 2022 کے دوران 2 خلاف ورزیاں ریکارڈ پر آئیں۔

پبلک ٹرانسپورٹ اتھارٹی نے جو مملکت بھر میں بری، بحری اور ریلوے ٹرانسپورٹ کی انتظامی و قانونی اتھارٹی ہے، 2022 کے حوالے سے مندرجہ ذیل اعداد و شمار جاری کیے ہیں۔

پبلک ٹرانسپورٹ اتھارٹی کا کہنا ہے کہ لیموزین اور ایئرپورٹ ٹیکسیوں نے 2 لاکھ 22 ہزار 262 خلاف ورزیاں کیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/9DdZrQF