پاکستان نے آئی ایم ایف کو پیشگی اقدامات سے آگاہ کر دیا

اسلام آباد : پاکستان نے آئی ایم ایف کو پیشگی اقدامات سے آگاہ کردیا، پاکستان اورآئی ایم ایف کے درمیان ورچوئل مذاکرات کا فیصلہ آج ہوگا۔

تفصیلات کے مطابق پاکستان اور آئی ایم ایف کے درمیان مذاکرات کے معاملے پر پاکستان نےآئی ایم ایف کوپیشگی اقدامات سے آگاہ کردیا۔

ذرائع نے بتایا کہ 3میں سے4 نکات پرعمل درآمد سے متعلق آئی ایم ایف کو آگاہ کیاگیا، پاکستان اورآئی ایم ایف کے درمیان ورچوئل مذاکرات کا فیصلہ آج ہوگا۔

پاکستان بجلی کے بلوں میں اضافےکی منظوری دے چکا ہے اور ڈالرکےمقابلے میں روپے کی قیمت بھی کم کر دی گئی ہے۔

اس کے علاوہ کسان پیکج اوربرآمدی شعبےکیلئےبجلی کےبلوں پرسبسڈی ختم کردی گئی ہے جبکہ بجلی بلوں پرسرچارج جولائی 2022 سے عائد کرکے وصولیوں کاٹائم ٹیبل بتایاگیا۔

ذرائع نے کہا کہ آئی ایم ایف کےرابطے میں اسٹیٹ بینک کی کارکردگی پر بات چیت کی گئی ، جس میں شرح سود اور ایکسچینج ریٹ کے اسٹیٹ بینک کے فیصلوں سے آگاہ کیا گیا۔

خیال رہے پاکستان اورآئی ایم ایف کے درمیان اسٹاف لیول معاہدہ آئندہ ہفتے ہونے کا امکان ہے ، پاکستان اور آئی ایم ایف کے درمیان اسٹاف لیول معاہدہ 9 فروری کو ہونا تھا، جو تاخیر کا شکار ہے۔

from پاکستان Archives - ARYNews.tv | Urdu - Har Lamha Bakhabar https://ift.tt/CoRWntf