میانمار میں فوجی حکومت کا گاؤں پر حملہ، ہلاک افراد کی تعداد 100 ہوگئی

میانمار میں فوجی حکومت کا گاؤں میں فضائی بمباری سے ہلاک ہونے والوں کی تعداد 100 ہوگئی۔

غیر ملکی خبر رساں ادارے کے مطابق میانمار کے شمال مغربی علاقے ساگانگ میں منگل کو فوج نے فضائی حملے کیے جس میں سانگ گانگ کے گاؤں بالو کو نشانہ بنایا گیا۔

ملٹری چیف جنتا کی جانب سے بیان میں حملے کی تصدیق کی گئی، حکومتی ترجمان نے الزام عائد کیا کہ پازیگی گاؤں میں باغی گروپ کے دفتر کی افتتاحی تقریب تھی جس پر حملہ کیا گیا۔

عینی شاہد کا کہنا ہے طیارے کی بمباری کے تقریباً آدھے گھنٹے بعد ایک ہیلی کاپٹر نے فائرنگ کی، افتتاحی تقریب کے لیے تقریباً 150 لوگ جمع ہوئے تھے۔

حکومتی ترجمان کا کہنا ہے کہ مرنے والوں میں خواتین بچے اور حاملہ خواتین بھی شامل ہیں، دوسری جانب اقوام متحدہ، امریکہ اور دیگر ممالک نے اس حملے کی شدید مذمت کی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/B1ZW8Y2