بھارتی ریاست منی پور میں بھارت سے علیحدگی کا مطالبہ شدت اختیار کرگیا

منی پور : منی پور کی جلا وطن حکومت کے وزیر اعلیٰ نے آزادی ایکٹ1947ء کے تحت منی پور کی آزاد حیثیت کا اعلامیہ جاری کردیا۔

تفصیلات کے مطابق بھارتی ریاست منی پور میں بھارت سے علیحدگی کا مطالبہ شدت اختیار کر گیا، منی پور کی جلا وطن حکومت کے وزیر اعلیٰ نے آزادی ایکٹ1947ء کے تحت منی پور کی آزاد حیثیت کا اعلامیہ جاری کردیا۔

میڈیا رپورٹس میں بتایا گیا منی پور کی جلا وطن حکومت کے وزیر اعلیٰ نونگتھم بم بیرن سنگھ نے بھارتی حکومت کی طرف سے الحاق کا معاہدہ جعلی قرار دیتے ہوئے پریس ریلیز جاری کی۔

جس میں واضح کیا گیا ہے کہ آزادی ایکٹ1947ء کے تحت منی پور کی آزاد حیثیت کو تسلیم کیا گیا تھا، بھارت نے الحاق شدہ ریاستوں کو صوبوں میں بدل کر آزادی ایکٹ1947ء کی خلاف ورزی کی۔

نونگتھم بم بیرن سنگھ کی پریس ریلیز کو انڈیپنڈنٹ منی پور کی ویب سائٹ پر جاری کیا گیا ہے۔

منی پور میں آزادی اور بھارت سے علیحدگی کا مطالبہ1949سے چل رہا ہے، 1980ء سے منی پور میں علیحدگی کی جدوجہد جاری ہے، جس میں ہزاروں بھارتی فوجی، پولیس اہلکار اور عام شہرجان سے ہاتھ دھو چکے ہیں۔

سال 1972میں ریاست منی پور کو ریاست کا درجہ دے دیا گیا تھا، بھارت میں اس وقت 15سے زائد ریاستوں میں آزادی اور علیحدگی کی تحریکیں چل رہی ہیں، آج نفرت، تقسیم اور ہتک آمیز رویہ بھارتی نام نہاد جمہوریت کے منہ پر طمانچہ ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/6GQCHB9